+7 (777) 001 44 99
Қазақша
Русский
English
Жаңа Қылмыстық кодекске сәйкес, әскери борышын өтеуден жалтарғандар түрмеге қамалуы мүмкін, - деп хабарлайды Yk-news.kz.
Жаңа жазалау шарасы таяудағы көктемгі әскерге шақыру кезінде қолданылатын болады. Шығыс Қазақстан облысы қорғаныс істері жөніндегі департаментінің өкілдері соңғы екі жылда жастар өз ниеті болғандықтан ғана борышын өтеді деп есептейді. "Қазіргі уақытта жалпыға бірдей әскери міндет туралы заң жоқ, "Әскери қызмет және әскеридің мәртебесі туралы" заң нормалары бар. Сол жерде шұғыл әскери қызметке ниеті барлар баратыны көрсетілген", - департамент бастығының орынбасары Ерлан Жақыпов.
Ол әскерге шақырылған адамдардың әскери комиссариатқа келіп, қызмет еткісі келмейтінін мәлімдеуге және міндеттен босатуды сұрауға мүмкіндігі болғанын айтты. "1 қаңтардан бастап жаңа Қылмыстық кодекс заң күшіне енеді, онда "Әскери қызметтен жалтару" деген бап бар. Оған сәйкес, заңды негізі болмаса қызмет өтеуден жалтаруға екі жылға бас бостандығынан айыру жазасы қолданылады", - деді Жақыпов.
Мұнымен қатар, өтірік ауырғандар, өз денсаулығына қасақана зиян келтіргендер немесе медициналық анықтама қағазын қолдан жасағандар жазаға тартылады. Бұл шақырушылар үш жылға бас бостандығынан айырылуы мүмкін. Егер олар өз ниеттерімен әскери комиссариатқа келетін болса, онда әскери қызметтен бұған дейінгі жалтару деректеріне қарамастан, жауапкершіліктен босатылады.
