+7 (777) 001 44 99
Қазақша
Русский
English
Астана-Ақтөбе пойызының жолсерігі жолаушыға 2 миллион теңге қайтарып берді, - деп хабарлайды Tengrinews.kz тілшісі "Жолаушылар тасымалы" АҚ баспасөз қызметіне сілтеме жасап.
"№16 вагонның жолсерігі Ержан Арденов купеде матрастың астынан ішінде 2 000 000 теңге мен банк картасы жатқан сөмкені тауып алған. Содан ол пойыз басшысымен бірге акт толтырып, ішінде ақша мен банк картасы бар сөмке иесіне қайтарылды", - деді "Жолаушылар тасымалы" АҚ баспасөз қызметіндегілер.
Компаниядағылардың айтуынша, жолаушылар пойызда тек ақша мен құжаттарын емес, сондай-ақ, басқа да бағалаы заттарын қалдырып кетеді: ұялы телефондар, ноутбуктар, сағат және тағы басқа заттар. Жолсеріктер жыл басынан бері құнды заттар мен құжаттарды жолаушыларға қайтарған 18 деректі тіркеген.
"Жолаушыларды және жүктерді тасымалдау ережелеріне сәйкес, пойыз бригадасы жолаушылардың жеке заттары үшін жауап бермейді. Сондықтан вагондардан шыққанда заттарыңызға абай болуларыңызды сұраймыз", - деді компаниядағылар.
