+7 (777) 001 44 99
Қазақша
Русский
English
Астана әуежайының көлік қоятын орны қошауға алынды. Бұл туралы Tengrinews.kz тілшісіне куәгерлер хабарлады.
"Мен көлік қоятын орынға келдім. Онда құқық қорғау органдарының қызметкерлері болды. Мен кетіп қалдым, 10 минуттан кейін көлігімді қойған жердің қоршауға алынғанын байқадым. Қоршауға алынған жердің ортасында сөмкенің жатқанын көрдім", - деді Астана тұрғыны. Сонымен қатар, ол құқық қорғау органдары қызметкерлерінің көлікті алып кетуін сұрағанын айтты. Айта кетейік, бұл мәселе жөнінде уәкілетті органдардан ресми хабарлама келген жоқ.
Еске салайық, бұған дейін Астана әкімі Әділбек Жақсыбеков тұрғындарды дүрлігуге жол бермеуге шақырған болатын. Астана қаласының Терроризмге қарсы комиссиясының кезектен тыс отырысы барысында ол 5-6 маусымда Ақтөбе облысының аумағында болған оқиғаларға байланысты террористік сипаттағы қауіп-қатердің алдын алу мақсатында Қазақстан Республикасының Ұлттық қауіпсіздік комитеті ел аумағында 40 тәулікке террористік қауіптіліктің бірқалыпты "сары" деңгейі белгіленгенін айтты.
