+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Астана тұрғындары қалалық автобустарында тегін Wi-Fi қызметіне қол жеткізді, - деп хабарлайды Tengrinews.kz тілшісі "Астана LRT" баспасөз қызметіне сілтеме жасап.
Астана тұрғындары қалалық автобустарында тегін Wi-Fi қызметіне қол жеткізді, - деп хабарлайды Tengrinews.kz тілшісі "Астана LRT" баспасөз қызметіне сілтеме жасап.
Астана күні мерекесінің қарсаңында қоғамдық көліктерді тегін интернетпен қамтамасыз ету жөніндегі WiFi Bus Astana жобасының ресми таныстырылымы өтті.
Бастаманы Beeline Қазақстан Астана әкімдігінің қолдауымен жүзеге асырып отыр. Жобаға "Астана LRT" ЖШС елорданың көлік инфрақұрылымының даму операторы мен "Астана Innоvations" АҚ инновациялық даму операторы серіктес болды.
Бастама көтергендердің айтуынша, Интернетке қосылу үшін бар болғаны Wi-Fi қызметін ұсына алатын смартфон қажет. "Бір сессия 15-тен 30 минутқа дейін созылады. Жолаушы бір нүктеден екінші нүктеге бару үшін қанша уақыт жұмсайды. Автобус салондарында интернетке қосылуға арналған нұсқау қарастырылған. Уақыт келе жүктеуге арналған трафикті шектеу мен құқыққа қайшы контенті бар ресурстарды құлыптау бойынша жұмыстар жоспарланып отыр", - делінген "Астана LRT" баспасөз қызметінің хабарламасында.
Қалалық автобустардың барлығына интернет орнату мақсатында қойылатын құрылғылармен "Астана LRT" ЖШС айналысты. 100 автобусқа жабдықтар Beeline ("Кар-Тел" ЖШС) және "Астана Innovations" АҚ ұялы байланыс операторларымен бірігіп, үшжақты келісім бойынша қойылды.
Wi-fi bus жобасы 2013 жылы сәтті жүзеге аса бастады. Содан бері Қазақстанның сегіз қаласында Wi-Fi қызметі бар 200 автобус қызмет етіп келеді - Қостанай, Көкшетау, Қарағанды, Қызылорда, Петропавл, Түркістан, Орал және Алматы.
