+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Ербол Шорманов "Астана ЭКСПО-2017" ҰК" АҚ басқарма төрағасы болып тағайындалды, - деп хабарлайды Tengrinews.kz тілшісі "Астана ЭКСПО-2017" ҰК" АҚ қоғаммен байланыс департаментіне сілтеме жасап.
Ербол Шорманов "Астана ЭКСПО-2017" ҰК" АҚ басқарма төрағасы болып тағайындалды, - деп хабарлайды Tengrinews.kz тілшісі "Астана ЭКСПО-2017" ҰК" АҚ қоғаммен байланыс департаментіне сілтеме жасап.
Бұл шешімді "Астана ЭКСПО-2017" ҰК" АҚ-ның жалғыз акционері - ҚР Ұлттық экономика министрлігінің қабылдағаны айтылады.
ҚР Ұлттық экономика министрі Тимур Сүлейменов ұлттық компания ұжымына жаңа басшыны таныстырып, алдағы жұмыстың бағыт-бағдарына тоқталып өтті.
"Мемлекет басшысы Н.Назарбаевтың тапсырмасына сәйкес, "Астана ЭКСПО-2017" ҰК" АҚ алдағы уақытта өз жұмысын жалғастырып, жауапкершілігі мол міндеттемелерді жүзеге асыратын болады. Биыл цифрлық Қазақстан бағытындағы маңызды элементтердің бірі - "Астана" халықаралық қаржы орталығы және IT-стартаптар технопаркі өз жұмысын бастауы тиіс", - деді министр.
Шорманов 2015 жылғы 20 тамыздан бастап "Астана ЭКСПО-2017" ҰК" АҚ басқарма төрағасының орынбасары, кейін басқарма төрағасының міндетін атқарушы қызметін атқарды.
Айта кетейік, Шорманов Ербол Әлімқұлұлы 1968 жылдың 20 тамызында дүниеге келген. Ол Алматы халық шаруашылығы институтын тәмамдаған. Ербол Шорманов еңбек жолын 1991 жылы ҚР Кеден органдарында бастап, 2005 жылға дейін қызмет етті.
Ұлттық компанияға дейін Алматы қаласы әкімінің орынбасары лауазымында шаһардағы тұрғын үй-коммуналдық шаруашылығы, абаттандыру, экология, энергетика, өнеркәсіп, сауда, шағын бизнес, санитарлық-эпидемиялогиялық ахуал мәселелерін қадағалады. Сондай-ақ, Алматы қаласы әкімі аппаратына, Кәсіпкерлік және өнеркәсіп департаментіне жетекшілік етті.
