"Астана ЭКСПО" Ұлттық компаниясында жалақы 150 миллион теңгеге қысқарды

"Астана ЭКСПО" Ұлттық компаниясында жұмысшылардың жалақысы 150 миллион теңгеге қысқарды, - деп хабарлайды Tengrinews.kz тілшісі компания баспасөз қызметіне сілтеме жасап.

"Басқарма төрағасының бірінші орынбасары Әлішер Пірметовтің айтуынша, жалақының жылдық қоры шамамен 150 миллион теңгеге қысқарды", - делінген таралған хабарламада.

Сонымен қатар, ұлттық компанияның басқарушы құрамы қысқарды. Компания басшысы Ахметжан Есімовтың айтуынша, "Астана ЭКСПО-2017" компаниясының қазіргі құрамы жеңілірек әрі функциялардың қайталануын болдырмайды және көпбаспалдақтықты қысқартады. 

Айта кетейік, осыған дейін компанияның бұрынғы топ-менеджерлерінің бірі Вера Кобалия төраға орынбасарының қызметіне айына 1,2 миллион теңге көлемінде жалақы алып тұрғанын айтқан болатын.