22 шілде 2024 | 10:55

Астана көшелерінің бірі үш күнге жабылады

Фото ©️ Tengrinews.kz / Тұрар Қазанғапов

Қабанбай батыр мен Тұран даңғылдарын жалғайтын көше уақытша жабылады, - деп хабарлайды Tengrinews.kz тілшісі.

"Астана Көлік және жол-көлік инфрақұрылымын дамыту басқармасы" ММ "Алау" Мұз сарайы тарапынан "Астана Арена" ауданындағы Қабанбай батыр даңғылы мен Тұран даңғылын жалғайтын жергілікті жол жүрісіне орташа жөндеу жұмыстарын жүргізу туралы хабарлайды.

Осыған байланысты, 22-25 шілдесі аралығында жоғарыда аталған учаске толығымен жабылады.

"Бұл ретте Қабанбай батыр даңғылы мен Тұран даңғылы ашық болады және автокөлік құралдарының қозғалысы іргелес көшелерде жүзеге асырылады. Елорда тұрғындары мен қонақтарын қала жолдарындағы кептелістерді болдырмау мақсатында өз маршруттарын алдын ала жоспарлауды сұраймыз. Уақытша қолайсыздықтар үшін кешірім сұраймыз және жол-құрылыс жұмыстарын жүргізуге түсіністікпен қарауды сұраймыз", - делінген хабарламада.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Астана көше

TENGRI travel