+7 (777) 001 44 99
Қазақша
Русский
English
Астана мен Алматыда ауа райы жылы болады. Синоптиктер 21–23 мамырға арналған ауа райы болжамын ұсынды, - деп хабарлайды Tengrinews.kz тілшісі.
Астанадағы ауа райы
21 мамыр – елордада ауыспалы бұлтты, жауын-шашынсыз ауа райы күтіледі. Жел оңтүстік-батыстан 9–14 м/с. Ауа температурасы түнде +12…+14, күндіз +24…+26.
22 мамыр – құбылмалы бұлттылық сақталады, күндіз жаңбыр және найзағай күтіледі. Жел оңтүстік-шығыстан соғады, екпіні - 9–14 м/с. Температура түнде +11…+13, күндіз +23…+25.
23 мамыр – ауа райы нашарлайды – құбылмалы бұлтты, кей уақыттарда жаңбыр және найзағай, күндіз бұршақ жаууы мүмкін. Жел солтүстік-батыстан, батыстан 9–14 м/с, екпіні 15–20 м/с дейін. Температура түнде +11…+13, күндіз +16…+18.
Алматыдағы ауа райы
21 мамыр – Алматыда ауыспалы бұлтты, жауын-шашынсыз. Жел шығыстан солтүстік-батысқа ауысып, екпіні 3–8 м/с болады. Ауа температурасы түнде +12…+14, күндіз +26…+28.
22 мамыр – құбылмалы бұлттылық сақталады, жауын-шашын күтілмейді. Жел оңтүстік-шығыстан соғады, екпіні - 3–8 м/с. Температура түнде +14…+16, күндіз +30…+32.
23 мамыр – құбылмалы бұлтты, кей уақыттарда жаңбыр, найзағай, күндіз бұршақ жаууы мүмкін. Жел солтүстік-батыстан соғады, екпіні - 5–10 м/с, екпіні 15 м/с дейін. Температура түнде +17…+19, күндіз +25…+27.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
