+7 (777) 001 44 99
Қазақша
Русский
English
Алдағы күндері Астана мен Алматыда ауа райы құбылмалы болады. Елордада найзағай мен бұршақ жаууы мүмкін, ал Алматыда күн ашық әрі ыстық болады. 4-6 маусымға арналған ауа райы болжамы жарияланды, - деп хабарлайды Tengrinews.kz тілшісі.
Астанадағы ауа райы
4 маусымда елордада құбылмалы бұлтты ауа райы күтіледі, күндіз жаңбыр, найзағай, бұршақ болуы ықтимал. Жел оңтүстік-батыстан, екпіні секундына 9-14 метр, күндіз кей жерлерде 15-18 м/с дейін күшейеді. Ауа температурасы түнде +16…+18, күндіз +27…+29 градус.
5 маусымда – құбылмалы бұлтты, өткінші жаңбыр, найзағай. Жел батыстан, солтүстік-батыстан, 9-14 м/с, күндіз екпіні 15-20 м/с дейін. Ауа температурасы түнде +14…+16, күндіз +22…+24.
6 маусымда да құбылмалы бұлтты, өткінші жаңбыр, найзағай күтіледі. Жел солтүстік-батыстан, 9-14 м/с. Ауа температурасы түнде +14…+16, күндіз +26…+28 градус.
Алматыдағы ауа райы
4 маусымда синоптиктер құбылмалы бұлтты, жауын-шашынсыз ауа райын болжайды. Жел оңтүстік-шығыстан, 3-8 м/с. Ауа температурасы түнде +16…+18, күндіз +29…+31 градус.
5 маусымда – құбылмалы бұлтты, жауын-шашынсыз. Жел оңтүстік-батыстан, 3-8 м/с. Ауа температурасы түнде +16…+18, күндіз +31…+33 градус.
6 маусымда Алматыда құбылмалы бұлтты, жауын-шашынсыз. Жел оңтүстік-батыстан, 3-8 м/с. Ауа температурасы түнде +18…+20, күндіз +32…+34 градус.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
