20 қазан 2023 | 10:07

Астана тұрғындары арасында ең танымал көлік маркасы қандай?

Дина Шарипханова Корреспондент

Фото ©️ Tengrinews.kz / Тұрар Қазанғапов

Күн сайын Астана жолдарында орта есеппен 300 мыңнан аса көлік жүреді. Олардың басым бөлігі жеңіл көліктер, - деп хабарлайды Tengrinews.kz тілшісі.

Күн сайын Астана жолдарында орта есеппен 300 мыңнан аса көлік жүреді. Олардың басым бөлігі жеңіл көліктер, - деп хабарлайды Tengrinews.kz тілшісі.

Sergek Group тобының баспасөз қызметі мәліметінше, Астанада жеңіл көліктер жиі жүреді (91,4 пайыз), оның ішінде: 71,6 пайызы қарапайым жеңіл көліктер, 13,8 пайызы жеткізу қызметі мен такси, 5,9 пайызы ірі көліктер. Астанадағы басқа көліктер - автобустар, шағын автобустар және жүк көліктері.

Фото: Sergek Group

Көлік сарапшылары астаналықтар арасында ең танымал көліктерді де атады.

"Жеңіл көліктері арасындағы үздік 3 бренд: Toyota, Hyundai және Kia. Үштен бірі - барлық басқа брендтер, жеке-жеке аз мөлшерде", - деді Sergek Group Tengrinews.kz ресми сауалына.

Астанада Toyota маркалы автокөлік иелері - 20,9 мың немесе 19,8 пайыз. Екінші орында Hyundai маркалы автомобильдер - 15,3 мың немесе 14,8 пайыз. Үшінші орында - Kia, елордада мұндай машиналар 8,9 мың немесе жалпы санның 8,6 пайызы. Төртінші орында ресейлік Lada маркасы (7,8 мың); бесінші орында - Chevrolet (7,1 мың); алтыншы орында - Volkswagen (5,6 мың); жетінші орында - Nissan (4,7 мың); сегізінші орында - Mercedes-Benz (3,6 мың). Астанада жеке есептегенде аз ғана болатын басқа автокөлік маркалары шамамен 29,3 мың.

Фото: Sergek Group