Астанада 24 жастағы ер адам Министрліктер үйін өртемек болды

Дина Шарипханова Корреспондент

видео кадры

Астанада 24 жастағы ер адам Министрліктер үйінің кіреберістерінің бірінде өрт қоюға әрекет жасаған, - деп хабарлайды Tengrinews.kz тілшісі.

Астанада 24 жастағы ер адам Министрліктер үйінің кіреберістерінің бірінде өрт қоюға әрекет жасаған, - деп хабарлайды Tengrinews.kz тілшісі.

Әлеуметтік желілерде өрт қою әрекетінен кейінгі жағдайдың видеосы пайда болды. Шабуыл жасаған адам кіреберістегі турникетке жанғыш қоспаны лақтырған.

Посмотреть эту публикацию в Instagram

Публикация от ASTANA / НОВОСТИ / АСТАНА (@astanovka98)

Астана Полиция департаменті мәліметінше, 24 жастағы ер адам ұсталды.

"Өрт ТЖД қызметкерлері тарапынан жедел сөндірілді. Зардап шеккендер жоқ. Аталған факт бойынша сотқа дейінгі тергеу басталды. Оқиғаның барлық мән-жайы анықталып жатыр", – деп хабарлады департаменттің баспасөз қызметі.

ТЖМ мәліметі бойынша, Министрліктер үйінің бір кіреберісінде таңғы уақытта автоматты өрт дабылы іске қосылған. Оқиға орнына елордалық ТЖД-ның күштері мен құралдары жедел жеткен.

"Беймәлім ер адам ғимаратқа кіріп, турникетке жанғыш қоспа лақтырған, соның салдарынан шамамен 2 шаршы метр аумақта өрт шыққан. Өрт толық сөндірілді", – делінген хабарламада.

Ғимарат ішіндегі бөлмелер тексеріліп, түтін жойылды. Зардап шеккендер жоқ. Оқиғаның себебі мен мән-жайы нақтыланып жатыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!