+7 (777) 001 44 99
Қазақша
Русский
English
Қазақша
Русский
English
Елордалық Сауда және тұтынушылардың құқықтарын қорғау басқармасының басшысы Нұрғали Егембердиев заң бұзған кәсіпкерлерге қолданылатын шаралар туралы айтты, - деп хабарлайды Tengrinews.kz тілшісі.
Егембердиев былтыр әкімшілік құқық бұзушылық туралы Кодекске (ӘҚБтК) өзгерістер мен толықтырулар енгізілгенін еске салды, оған сәйкес департамент осындай істер бойынша іс жүргізуді жүзеге асыруға уәкілетті.
"Қырағы сатып алушылардың өтініштері негізінде 14 кәсіпкер сауда қызметін реттеу туралы заңнаманы бұзғаны үшін әкімшілік жауапкершілікке тартылды. Атап айтқанда, ӘҚБтК-нің 193-бабы 4-бөлігі бойынша - тауардың бағасын теңгемен көрсетпей өткізгені үшін не құны жапсырмада көрсетілген бағадан асып кеткен тауарды өткізгені үшін", - деді Егембердиев қалалық коммуникациялар қызметінде өткен брифингте.
Департамент басшысының ақпараты бойынша, шағын кәсіпкерлік субъектілері үшін айыппұл мөлшері 6 АЕК (2024 жылы 22 152 теңге), орта кәсіпкерлік субъектілері үшін - 10 АЕК (2024 жылы 36 920 теңге), ірі кәсіпкерлік субъектілері үшін - 30 АЕК (2024 жылы 110 760 теңге) болады. Айыппұлдың жалпы сомасы 343 400 теңге болған.
Айыппұл салынғаннан кейін бір жыл ішінде қайталап бұзылған жағдайда шағын кәсіпкерлік субъектілері үшін айыппұл 65 АЕК (2024 жылы 239 980 теңге), орта кәсіпкерлік субъектілері үшін - 120 АЕК (2024 жылы 443 040 теңге), ірі кәсіпкерлік субъектілері үшін - 200 АЕК (2024 жылы 738 400 теңге) болады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
