+7 (777) 001 44 99
Қазақша
Русский
English
Астанада бір әйел діни ұстанымына байланысты науқас баласына қан құюға рұқсат етпей отыр, - деп хабарлайды Tengrinews.kz тілшісі.
Ана мен бала ұлттық орталығының дәрігерлері дабыл қағып, құзырлы органдардың көмегіне жүгінді. Қазіргі уақытта психологтар әйелден келісімін алуға рұқсат сұрап жатыр.
Ана мен бала ұлттық орталығының басшысы Бекбай Хайрулиннің айтуынша, мәселе әлі күнге шешімін таппаған, ал қыз баланың денсаулығы мүшкіл. "Анасы ақылға келіп, біз баласына көмек көрсетеміз деп үміттенеміз", - дейді ол.
Қыз бала 11 жаста. Қыз туғанынан бүйрегі ауырып, созылмалы бүйрек жетіспеушілігі бақыланып отыр екен.
Медициналық мекемедегілердің айтуынша, анасы бұл қарсылығын Иегова Куәгерлері діни ұйымының ұстанымдары рұқсат етпейтінімен түсіндірген.
