+7 (777) 001 44 99
Қазақша
Русский
English
Қазақша
Русский
English
Елордалық полицейлер Астанадағы EXPO-2017 көрмесі кезінде алтын сағатын жоғалтып әйелге затын қайтарып берді, - деп хабарлайды Tengrinews.kz тілшісі.
Қостанай қаласының тұрғыны Астана қалалық Ішкі істер департаментіне 29 шілдеде EXPO-2017 көрмесі аясында абайсызда алтын сағатын жоғалтып алғанын хабарлады. Полицияның мәліметінше, жоғалған сағат 1,5 миллион теңге тұрады.
"Осы аумақта орнатылған видеобақылау камераларындағы жазбаларды қарап шығу барысында екі адамның жерге еңкейіп бір затты алып жатқанын көрдік. Жедел-іздестіру шараларының нәтижесінде Петропавл қаласының кәмелет жасына толмаған 11-сынып оқушысы анықталды. Ол Астанаға көрмені көру келген, туыстарының үйінде болған. Видеобақылау камералары арқылы жігіттер отырған таксиді де анықтадық", - деп хабарлады елордалық ІІД баспасөз қызметіндегілер.
Нәтижесінде полицейлер алтын сағатты иесіне қайтарды.
"Әйел адам полицейлерге алғысын білдірді. Оның айтуынша, елордалық полицейлер үлкен жұмыс атқарды. Қысқа уақыт ішінде сағатын қайтарып алды", - деді Астана қалалық ІІД баспасөз қызметіндегілер.
