+7 (777) 001 44 99
Қазақша
Русский
English
Нұр-Сұлтанда жедел жәрдем шақыру көрсеткіші маусымның басындағы 3 мыңнан бүгінгі күнге 1,1 мыңға дейін төмендеді, - деп хабарлайды Tengrinews.kz тілшісі қала әкімдігінің ресми сайтына сілтеме жасап.
Карантин кезінде қабылданған кешенді шаралар, соның ішінде науқастарды ауруханаға біркелкі бөлу үшін ахуалдық орталық, жедел жәрдем станциясына телеграм-бот (@ ns103bot) құру және колл-орталық жұмысы елордалық жедел жәрдемнің жүктемесін едәуір жеңілдетті.
Шілденің басынан бастап Нұр-Сұлтан жедел жәрдем станциясына қоңыраулар саны үш есе азайды - күніне 3000-нан 1100-ге дейін. Оның ішінде коронавирус инфекциясы бойынша - тәулігіне 500-ден 89-ға дейін.
Нұр-Сұлтанда коронавирус инфекциясынан емделіп шыққандар саны 70 пайызы - 10 320 науқастың 7 260-ы сауығып шыққан. Төсек-орын қорына жүктеме 99 пайыздан 38 пайызға дейін төмендеді.
Covid-19-дың төмендеу динамикасын сақтау үшін барлық азаматтар қатаң санитария нормаларын: маска тағып, қашықтық сақтауы қажет.
Қазақстан жаңалықтары. Соңғы жаңалықтар. Telegram желісінде бізге жазыл!
