+7 (777) 001 44 99
Қазақша
Русский
English
Жүргізуші куәлігінен айырылған мас азамат полициядан қашып, патрульдік көлікпен соқтығысты, - деп хабарлайды Tengrinews.kz тілшісі.
Астана прокуратурасы мәліметінше, жүргізуші куәлігінен айырылған ер адам алкогольдік мас күйде автокөліктізгінін ұстаған. Полиция қызметкерлері тоқтату талабын қойған кезде, ол заңды талапқа бағынбай, оқиға орнынан бой тасалауға тырысқан.
"Қашу барысында бірнеше рет жол қозғалысы ережелерін өрескел бұзып, айналадағы адамдардың өмірі мен денсаулығына қауіп төндірді. Қылмыстық әрекет патрульдік автокөлікпен соқтығысумен аяқталды. Бұзақы ұсталып, уақытша ұстау изоляторына қамалды", - делінген хабарламада.
Сот үкімі бойынша, ол кінәлі деп танылып, 4 жыл мерзімге бас бостандығынан және өмір бойы көлік басқару құқығынан айырылды.
Келтірілген материалдық шығын сотталушымен толық көлемде өтелген.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
