![Фото: depositphotos.com](/userdata/news_kk/2024/news_361702/thumb_b/photo_124187.jpeg)
Оқу-ағарту министрі Ғани Бейсембаев еліміздегі балабақшалардың жағдайын айтты, - деп хабарлайды Tengrinews.kz тілшісі.
Оқу-ағарту министрі Ғани Бейсембаев еліміздегі балабақшалардың жағдайын айтты, - деп хабарлайды Tengrinews.kz тілшісі.
Оның айтуынша, елімізде 950 мыңнан аса бала қамтылған 11 мыңнан астам мектепке дейінгі ұйым бар.
"Былтыр 66 мыңнан аса орынға 613 балабақша ашылды, ал 2 жастан 6 жасқа дейінгі балаларды қамту көрсеткіші 91,5 пайызға дейін өсті. Биыл бұл көрсеткішті 92,5 пайызға дейін арттыру жоспарланып жатыр. Астанада әлі де балабақшалар жетіспейді. Бүгінде 2 жастан 6 жасқа дейінгі балаларды қамту - 81 пайыз", - деді Бейсембаев елордада өткен педагогтер форумында.
Ал мектепке дейінгі ұйымдарға қабылдауға кезекте тұрған балалар саны - 57 283 адам.
"2025 жылға дейін бұл мәселені шешу үшін 10 балабақша ашу жоспарланып отыр. Сонымен қатар, әлеуметтік осал отбасылардан шыққан 97 мың бала тегін тамақпен қамтамасыз етілді. Оның 11 712-сі астананың балабақшаларында", - деді министр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!