25 наурыз 2018 | 15:38

Астанада коммуналдық қызметтер күшейтілген режимде жұмыс істеп жатыр

Ардақ Құлтаев

Ауа райының қолайсыздығына байланысты қаланың коммуналдық қызметтерінің барлығы жұмыстың күшейтілген режиміне көшті, деп хабарлайды Tengrinews.kz тілшісі елорда әкімдігінің ресми сайтына сілтеме жасап.

Ауа райының қолайсыздығына байланысты қаланың коммуналдық қызметтерінің барлығы жұмыстың күшейтілген режиміне көшті, деп хабарлайды Tengrinews.kz тілшісі елорда әкімдігінің ресми сайтына сілтеме жасап.

25 наурызда "Есіл" ауданында 705 жұмысшы мен мамандандырылған техниканың 318 данасы жұмысқа тартылған.

Ал "Сарыарқа" ауданында қар тазалауға 215 дана арнайы техника жұмылдырылған. Мұнда 455 жол жұмысшысы жұмыс істеп жатыр.

"Алматы" ауданында 574 жұмысшы іске тартылған.

"Қала билігі тұрғындары мен қонақтардан қауіпсіздік шараларын сақтауға шақырады. Көлік құралын жүргізгенде жылдамдық пен ара-қашықтықты сақтау керек, кенет маневр жасамауы қажет. Сонымен қатар, жаяу жүргіншілер де аса сақ болуы тиіс. Жолдан тек рұқсат етілген жерден өту керек", - делінген қалалық әкімдік таратқан хабарламада.