+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Астанада полицейлерге қарсылық көрсеткен жүргізуші қыздың әрекеті видеоға түсіп қалды, - деп хабарлайды Tengrinews.kz тілшісі.
Астанада полицейлерге қарсылық көрсеткен жүргізуші қыздың әрекеті видеоға түсіп қалды, - деп хабарлайды Tengrinews.kz тілшісі.
2016 жылдың бірінші қыркүйегінде Астанада полиция көлік жүргізіп келе жатқан қыздың жол жүру ережесін бұзғанына назар аударған. Осы әрекеттің барлығы полиция көлігінің видео тіркеу құрылғысына түсірілген.
"Полицейлер арыз бойынша Hyundai автокөлігінің соңына түсіп, дауыс ұлғайтқыш арқылы көлікті тоқтатуын сұраған. Алайда қыз полицейлерді тыңдамай, қозғалысты әрі қарай жалғастырған", - деді елордалық Алматы ауданының прокуратурасындағылар.
"Жетер жеріне жеткен жүргізуші, елорданың 24 жастағы тұрғыны көлікті тоқтатып, полиция қызметкерлерін балағаттауға кіріскен, сонымен қатар оларға қатысты физикалық күш қолданған", - деді аудандық прокуратураның өкілдері. Қыз полиция бөлімшесіне жеткізілген, ал оның автокөлігі айып тұрағына қойылған.
Қызға қатысты сотқа дейінгі тергеу шаралары "Билік өкiлiн қорлау", "Билік өкіліне бағынбау", "Билік өкiлiне қатысты күш қолдану" баптары бойынша жүргізілді. Іс материалдары сотқа жіберілген.
