+7 (777) 001 44 99
Қазақша
Русский
English
Астаналық ветеринарлар сальмеонеллез ауруын жұқтырған 19 тонна құс етін өртеп жіберді, - деп хабарлайды "КТК" телеарнасы. Құс еті Астана дүкендерінде тарап кеткен.
Басылымның мәліметінше, адам өмірі үшін қауіпті ауру құстарға еліміздегі фабрикалардан келген. Құс етінің Алматыдан жеткізілгені белгілі болды.
Астана қаласы бойынша аймақтық ветеринарлық бақылау инспекциясының басшысы Айтбай Тайжановтың айтуынша, сальмеонеллез тұрмыстық қарым-қатынастан, тауарды тасымалдау, сақтау кезінде жұғуы мүмкін. "Былайша айтқанда, тазалық болмағанда. Алматы облыстық инспекциясы "Алатау құс фабрикасына" тексеріс жүргізіп жатыр", - деді ол.
Мамандар қауіпті тағамды жою үшін бір ай бойы 45 дүкен мен қоймаларды аралады. 10 миллион теңгенің өнімі полигонға апарылып, өртеліп жіберілді.
