+7 (777) 001 44 99
Қазақша
Русский
English
Астана әуежайында SCAT әуе компаниясы ұшағының қатысуымен келеңсіз оқиға болды, - деп хабарлайды Tengrinews.kz тілшісі компанияның баспасөз қызметіне сілтеме жасап.
SCAT мәліметтері бойынша, бүгін Астана әуежайының перронын қардан тазалау кезінде қар тазалайтын көлік Bombardier CRJ-200 ұшағының оң жақ қанатына зақым келтірді.
Оқиғаның мән-жайын анықтау үшін комиссия құрылды. Ұшақ қанатының алдыңғы ернеуін ауыстыру үшін ол кестеден шығарылды.
"Бұл әуе кемесімен орындалуы тиіс болған рейс резервтік ұшақпен орындалады", - деді баспасөз қызметіндегілер. Сонымен қатар, Астана әуежайындағылар бұл деректі растап, комиссияның шығынды есептейтінін жеткізді. Сондай-ақ, қар тазалайтын көлікке ешқандай зақымның келмегені анықталып отыр.
