+7 (777) 001 44 99
Қазақша
Русский
English
Астана қаласы Есіл ауданының Полиция басқармасы өндірісінде алаяқтық дерегі бойынша қылмыстық іс қозғалды. Бұған дейін бірнеше жылдан бері уәде етілген пәтерлерін ала алмай жүрген үлескерлер полицияға арыз жазып жүгінген, - деп хабарлайды Tengrinews.kz тілшісі.
Мәңгілік Ел даңғылы бойында салынып жатқан R-Club тұрғын үй кешеніне инвестиция салған үлескерлердің шағымынан кейін Tengrinews.kz тілшісі Полиция департаментіне сауал жолдады.
"Астана қаласы Есіл ауданының Полиция басқармасында Қылмыстық кодекстің 190-бабы 4-бөлігі "Аса ірі көлемдегі алаяқтық" бойынша қылмыстық іс қозғалып жатыр. Қазіргі уақытта қылмыстық іс бойынша соталды тергеп-тексерудің толықтығын қамтамасыз ету мақсатында жедел-іздестіру шаралары жүргізіліп жатыр", - делінген полицияның сауалға берген жауабында.
Полицейлердің айтуынша, басқа ақпарат жария етілмейді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
