+7 (777) 001 44 99
Қазақша
Русский
English
Бүгін Астанада ыстық су беру тоқтатылады, деп хабарлайды Tengrinews.kz тілшісі елорда әкімдігінің сайтына сілтеме жасап.
27-28 мамырда елорданың кейбір аудандарында ыстық су беру тоқтатылады. Бұл туралы astana.kz сайтына «Астана-Теплотранзит» АҚ хабарлады.
Мекеменің мәліметінше, Жеңіс, Бөгенбай батыр, Абай даңғылдары, Тілендиев, Молдағұлов, Әуезов, Мәскеу, Найзақара, Потанин, Желтоқсан, Сарыарқа, Сейфуллин, Күмісбеков, Бегелдинов, Ирченко, Кенесары, Рысқұлов, Жангелдин, Боталы көшелеріне ыстық судың берілуі істен ажыратылады.
Себебі, жылу магистралдарын тығыздыққа дайындау және сынау жұмыстары өткізіледі. Тиісті жұмыстар Астана қаласының кейбір аудандарында жасалып бітті.
«Астана-Теплотранзит» АҚ хабарлауынша, кәсіпорындар мен ұйымдардың басшылары, ПИК пен ПК төрағалары берілген ұйғарымға сәйкес, ыстық сумен қамтуды желіден айырып тастауы қажет. Әрі осы кезеңде кезекшілік ұйымдастырылуы тиіс. Жылу беру желісіндегі барлық жұмыстар тоқтатылуы керек.
