+7 (777) 001 44 99
Қазақша
Русский
English
Астанада және еліміздің үш облысында ауа райының қолайсыздығына байланысты ескерту жарияланды, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.
Болжамдарға сәйкес, 17 ақпанда Ақмола облысында жауын-шашын (көбіне қар), боран, тұман, көктайғақ болады. Оңтүстік, оңтүстік-батыстың кей жерлерінде секундына 15-20 метр жылдамдықпен жел соғады.
Астанада 17 ақпанда жауын-шашын (қар), тұман, көктайғақ болады. Дауылдың болу ықтималдығы 85-90 пайыз.
Жамбыл облысында 17 ақпанда күндіз оңтүстік-батыстан секундына 15-20 метр жылдамдықпен жел соғады. Ал 18 ақпанда түнде желдің екпіні секундына 23-28 метрге, облыстың оңтүстік-батысында секундына 30 метр және одан да жылдам соғуы мүмкін. Кей жерлерде тұман, көктайғақ болады.
Таразда 17-сі күндіз және 18-і түнде оңтүстік-батыстан соққан желдің екпіні секундына 15-20 метр, кей жерлерде 23-28 метр болады деп күтіледі. Тұман түседі.
17 ақпанда Түркістан облысында тұман түсіп, көктайғақ, күндіз қатты жауын-шашын болады. Оңтүстік-батыстан соғатын желдің күші секундына 15-20 метр, кей жерлерде екпіні секундына 23-28 метр, таулы өткелдерде секундына 30 метр және одан да күшті болады.
