+7 (777) 001 44 99
Қазақша
Русский
English
Астанада 22 тамызда жыл сайынғы ауылшаруашылық жәрмеңкелері басталады, - деп хабарлайды Tengrinews.kz тілшісі елорда әкімдігінің ресми сайтына сілтеме жасап.
2015 жылдың 22 тамызы мен 22 қыркүйек аралығында апта сайын демалыс күндері (сенбі, жексенбі) Астана қаласындағы MEGA ойын-сауық орталығы алдында Жамбыл облысы тауар өндірушілерінің ауылшаруашылық жәрмеңкелері өткізіледі. Жәрмеңке сағат 10:00-18:00 аралығында жұмыс істейді. Жәрмеңкедегі тауарлар нарықтағы бағадан арзандатылып сатылады.
"Сатуға шығарылатын тауар түрлері: картоп, сарымсақ, қияр, қызанақ, баклажан, қауын, қарбыз, сүт өнімдері", - деп жазылған хабарламада.
Айта кетейік, 20 тамызда Қазақстан еркін ауытқу бағамына өтті. Үкімет отырысында аймақ әкімдеріне бағаның негізсіз өсуін болдырмау тапсырылды.
