Астанада Сарайшық көшесі мен Арқар көпірінің бір бөлігінде көлік қозғалысы жабылады, - деп хабарлайды Tengritravel.kz тілшісі қала әкімдігі мәліметіне сілтеме жасап.
Астана Көлік және жол-көлік инфрақұрылымын дамыту басқармасы мәліметінше, Момышұлы даңғылынан Тұран даңғылына дейінгі учаске толығымен жабылады.
Сарайшық көшесінде Момышұлы даңғылынан Тұран даңғылына дейінгі учаскеде осы жылдың 13 маусымы сағат 21:00-ден 17 маусымы сағат 06:00-ге дейін жол төсемінің жоғарғы қабатын төсеу жоспарланған.
"Елорда тұрғындары мен қонақтарынан қала жолдарындағы кептелістерді болдырмау мақсатында өз маршруттарын алдын ала жоспарлау сұралады", - делінген хабарламада.
Саяхат қызықтары мен пайдалы ақпаратты Instagram және Facebook парақшаларынан оқи аласыз!
