+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Астана қаласында дабылды ескертудің жариялануына байланысты елорданың төтенше жағдайлар департаменті күшті жел кезінде өзін-өзі ұстау ережелерін сақтау керектігін еске салады, - деп хабарлайды Tengrinews.kz тілшісі қалалық әкімдіктің ресми сайтына сілтеме жасап.
Астана қаласында дабылды ескертудің жариялануына байланысты елорданың төтенше жағдайлар департаменті күшті жел кезінде өзін-өзі ұстау ережелерін сақтау керектігін еске салады, - деп хабарлайды Tengrinews.kz тілшісі қалалық әкімдіктің ресми сайтына сілтеме жасап.
Астана қаласының ТЖД елорда тұрғындары мен қонақтарына күшті жел кезінде мынадай ережелерді сақтауға кеңес береді.
"Мұқият болыңыз, ауа-райының өзгеруі туралы ақпаратты және енгізілген шектеулерді жіті қадағалаңыз. Көшеде бағандардан, ағаштардан, жарнамалардан, ЭЖЖ және сымдардан алыс жүруге тырысыңыз. Құрылыс объектілері қолайсыз ауа райы жағдайы әсерінен аумақтарды және тұрғындарды қорғау, құрылыс алаңдарында мүмкіндігінше құрылыс-монтаж жұмыстарына шектеу бойынша қосымша шараларды қабылдау қажет. Пәтер мен үйлерде барлық терезелерді нық жабыңыздар. Жеке автокөлігіңізді ағаштар мен ескі құрылыстардан алыс қойыңыз. Орын жайларда терезеден алшақ жүріп, электроқұралдарды қолданбауға тырысыңыз, аяқ астына мұқият қараңыз, қауіпті жерлерді айналып өтуге тырысыңыз. Егер де мұзды "шалшықты" айналып өту мүмкін болмаса, онда оның үстінен шаңғышы сияқты, жеңіл адыммен жүріңіз; жолды жүгіріп өтпеңіз, сақтық шараларын сақтаңыз", - делінген хабарламада.
ТЖД мамандары зардап шеккен жағдайда міндетті түрде дәрігерге бару керектігін ескертеді.
"Естеріңізде болсын: арқамен, бетпен құлау адамның денсаулығына қауіп төндіруі мүмкін. Бастан зақым алуыңыз мүмкін. Зардап шеккен жағдайда алғашқы медициналық көмек алу үшін міндетті түрде дәрігерге бару қажет. Төтенше жағдай туындаған жағдайда "112" нөміріне қоңырау шалыңыз", - деп мәлімдеді департаментте.
Еске салайық, "Қазгидромет" РМК мәліметі бойынша 30 қарашада Астанада тұман, көктайғақ, боран соғады. Солтүстік-батыстан соғатын желдің күші секундына 15-20 метрге дейін жетеді.
