+7 (777) 001 44 99
ПОДЕЛИТЬСЯ
Нұр-Сұлтан қаласының әкімі Алтай Көлгінов Алматы ауданы аумағындағы нысандарды аралап, проблемалық учаскелермен танысты, - деп хабарлайды Tengrinews.kz тілшісі әкімдіктің сайтына сілтеме жасап.
Нұр-Сұлтан қаласының әкімі Алтай Көлгінов Алматы ауданы аумағындағы нысандарды аралап, проблемалық учаскелермен танысты, - деп хабарлайды Tengrinews.kz тілшісі әкімдіктің сайтына сілтеме жасап.
Баспасөз қызметінің мәліметінше, қала әкімі 30 мыңға жуық тұрғыны бар "Алматы" ауданындағы "Промышленный" тұрғындарымен кездескен. Жүздесу барысында тұрғындар "Ақкент" ЖШС силикат кірпіш шығаратын зауытты ауыстыру, жылы аялдаманы және спорт алаңдары бар скверді жайластыру туралы өтініш айтты.
"Сондай-ақ, 13-шi мектепті кеңейту, қоғамдық көлік жұмысын жақсарту және жол құрылысы мәселелері талқыланды. "Железнодорожный" алабының тұрғындары Маяковский 7 көшесін жарықтандыру және жаңғырту мәселелерін жеткізді. Жоғарыда аталып өткен тұрғындардың тілектері жұмыс жоспарына енгізіліп, бақылауға алынатын болады", - делінген әкімдік хабарында.
Айта кетейік, Алтай Көлгінов биыл маусымда Нұр-Сұлтан қаласының әкімі болып тағайындалған еді. Ол 2016-2019 жылдары Батыс Қазақстан облысының әкімі болды.
