+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Жыл басынан бері астаналықтар 150-ден астам травматикалық оқ қару мен газды және жарақат салатын қару тапсырды, - деп хабарлайды Tengrinews.kz тілшісі Астана қалалық ішкі істер департаментінің баспасөз қызметіне сілтеме жасап. Естеріңізге сала кетейік, тапсырылған қарулардың түріне қарай мемлекет тарапынан ақшалай қаражат төленеді.
Жыл басынан бері астаналықтар 150-ден астам травматикалық оқ қару мен газды және жарақат салатын қару тапсырды, - деп хабарлайды Tengrinews.kz тілшісі Астана қалалық ішкі істер департаментінің баспасөз қызметіне сілтеме жасап. Естеріңізге сала кетейік, тапсырылған қарулардың түріне қарай мемлекет тарапынан ақшалай қаражат төленеді.
Баспасөз қызметінің хабарлауынша, қаруды қабылдау мен тіркеу азаматтың жазбаша арызы арқылы қалалық және аудандық ішкі істер органдарында жүзеге асады.
Айта кетейік, Астанада 2015 жылдың 1 қаңтарынан бастап халықтан травматикалық қаруларды алу акциясы аясында полиция қызметкерлері рейд жұмыстарын жүргізіп келеді. Сонымен қатар, 2016 жылдың 1 қаңтарына дейін Астана қалалық ішкі істер департаменті қаруды алып жүру мен сақтауға рұқсаты бар тұлғалардан қаруларды ерікті түрде тапсыруы бойынша жұмыс жүргізеді.
Еске сала кетейік, 2014 жылы тамыз айында Қазақстан полициясының 2015 жылдың қаңтар айында халықтан травматикалық қару-жарақты сатып алуды бастайтыны хабарланған болатын. Травматикалық қаруды тапсыру тәртібін Үкімет белгілейді, жоба бойынша қаруды тапсыру мерзімі 2015 жылдың 1 қаңтарынан 31 желтоқсанға дейін деп қарастырылып отыр.
