+7 (777) 001 44 99
Қазақша
Русский
English
Әлеуметтік желілердегі қоқан-лоққы жазылған хабарламалар фонында Астана мектептері сабақты тоқтатқан жоқ. Бұл туралы елорданың білім басқармасы хабарлады, - деп хабарлайды Tengrinews.kz тілшісі.
Ведомство мәліметінше, бүгінде қала мектептерінде барлық оқушы әдеттегідей оқып жатыр. Екінші ауысымның оқушылары да әдеттегідей сабаққа келеді.
Ата-аналардың баласын алып кеткісі келетіні, бірақ оларды мектепке кіргізбей жатқаны туралы шағымдарына басқарма мынадай жауап берді:
"Қала мектептерінің барлық оқушылары штаттық режимде оқиды. Оқу процесі жүріп жатқандықтан, ата-аналар мектепке жіберілмейді".
Еске салайық, бұған дейін Telegram-арналардың бірінде Астана мектептерінде жаппай қырғын болады деп қорқытқан тағы бір хат пайда болды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
