+7 (777) 001 44 99
Қазақша
Русский
English
Астана мәслихатының төрағасы Табиғат Зейнұлқабден елордада жаңа жұмыс кестесіне көшуге қатысты "жақын арада шешім қабылданатынын" мәлімдеді, - деп хабарлайды Tengrinews.kz тілшісі.
Бұған дейін мәслихатта орталық атқарушы органдардың (министрліктердің) жұмыс кестесін өзгерту мәселесі талқыланған болатын. Мәжіліс кулуарында журналистер шешімнің қашан қабылданатыны туралы сұрады.
Табиғат Зейнұлқабденнің айтуынша, ол "жақын арада" қабылданады.
"Әкімдік мемлекеттік қызметшілер мен басқа да ұйымдардың жұмыс кестесін өзгерту мәселесін қарастырып жатыр. Бұл қаладағы жол қозғалысы жүктемесін азайту үшін қажет. Қазір таңертең және кешкі қарбалас уақытта кептелістер көбейіп, әсіресе сол және оң жағалаулар арасында қатынау қиындап кеткен. Бүгінде (келесі-еск.) жұмыс кестесі қарастырылып жатыр: біреу сәл ертерек, біреу сәл кейінірек бастайды.
Бұл шешім жақын арада қабылданады. Мұндай тәжірибе 2014-2015 жылдары қолданылғанын білесіздер. Сондықтан көп уақыт алмайды деп ойлаймын", – деді ол.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
