Ата-аналардың жұмыс күнін қысқарту: үкімет бұл бастаманы қарастырады

Дина Шарипханова Корреспондент

ЖИ көмегімен жасалған

Вице-премьер – ұлттық экономика министрі Серік Жұманғариннен Қазақстанда ата-аналар үшін жұмыс күнін қысқарту мүмкіндігі туралы сұралды. Мұндай ұсыныс бұған дейін Мәжілісте айтылған еді, - деп хабарлайды Tengrinews.kz тілшісі.

Вице-премьер – ұлттық экономика министрі Серік Жұманғариннен Қазақстанда ата-аналар үшін жұмыс күнін қысқарту мүмкіндігі туралы сұралды. Мұндай ұсыныс бұған дейін Мәжілісте айтылған еді, - деп хабарлайды Tengrinews.kz тілшісі.

"Мәжіліс депутаты Қарақат Әбден ата-аналар үшін жұмыс күнін қысқартуды ұсынды. Сіз бұл бастамаға қалай қарайсыз? Сіздің ойыңызша, бұл экономика үшін қаншалықты тиімді?" – деген сұрақ қойылды.

Премьер-министрдің орынбасары - ұлттық экономика министрі Серік Жұманғарин бұл бастаманы естімегенін, десе де оны түсініп, егжей-тегжейлі зерделеу керек екенін айтты.

"Әлемдік тәжірибеде мұндай нәрсе бар. Біреу үйде отырса, үйдегі тірлікпен айналысса, әсіресе, балаларға қараса, кәдімгі еңбек. Оны елемеуге болмайды. Мұның бәрі - есептелетін заттар, экономикада бәрі есептеледі. Сондықтан бұл бастаманы тереңірек бағалау қажет", - деді ол.

Шенеунік депутаттар ресми түрде жүгінсе, олардың кез келген бастамасын Үкімет қарауға міндетті екенін айтты.

Еске салайық, Мәжіліс депутаты Қарақат Әбден кішкентай балалары бар ата-аналар үшін жұмыс күнін бір сағатқа қысқартуды ұсынған болатын. Депутат бұл мәселені бұған дейін үкімет деңгейінде көтергенін, бірақ әзірге шешім жоқ екенін айтқан.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

жұмыс аптасы ата-ана Үкімет