Атырау облысында әйел жаяу жүргіншілер көпірінен құлап, қаза тапты, деп хабарлайды Tengrinews.kz тілшісі "Ақ Жайық".
Қайғылы оқиға 22 мамырда Мақат ауданында болған. Бейресми ақпарат бойынша, түскі уақытта 68 жастағы әйел Мақат кенті мен Бәйгетөбе ауылын жалғап тұрған жаяу жүргіншілер көпірінен құлап кеткен.
Оқиға орнына жедел жәрдем бригадасы шұғыл жеткенімен, әйелді аман алып қалу мүмкін болмады.
Атырау облыстық полиция департаменті әзірге болған оқиға туралы ресми ақпарат берген жоқ. Оқиғаның мән-жайы анықталып жатыр.
