Атырау облысында екі аудан орталығын еріген қар суы басты

Дина Шарипханова Корреспондент

Фото: Атырау облысы ТЖД

Атырау облысының бірнеше ауданында еріген қар суын сору жұмыстары жүргізілді, - деп хабарлайды Tengrinews.kz тілшісі облыстың Төтенше жағдайлар департаментіне сілтеме жасап.

Атырау облысының бірнеше ауданында еріген қар суын сору жұмыстары жүргізілді, - деп хабарлайды Tengrinews.kz тілшісі облыстың Төтенше жағдайлар департаментіне сілтеме жасап.

Төтенше жағдайлар департаменті мәліметінше, Қызылқоға ауданында Миялы ауылындағы Қарабалин және Аққуов көшелері бойында еріген қар суын сору бойынша жедел-құтқару жұмыстары, арнайы техникамен еріген суды сору жұмыстары 26 ақпан сағат 19.19-ға дейін жүргізілді. Барлығы 280 текше метр су сорылған.

Құтқару жұмыстарына облыстың Төтенше жағдайлар департаментінің бес қызметкері, жергілікті атқарушы органның 6 қызметкері және 2 техника, 2 мотопомпа жұмылдырылған.

Посмотреть эту публикацию в Instagram

Публикация от Atyrau oblysynyn TJD (@atyrau_tjd)

Сондай-ақ, ТЖД мәліметінше, Индер ауданында су сору жұмыстары жүргізілген.

"Индер ауданы Индербор кентінің Астана көшесі бойында 30 сантиметр болатын еріген қар суларын сору жұмыстары сағат 20.45-ке дейін жүргізілді. Барлығы 110 куб метр су сорылды", - делінген хабарламада.

Жарсуат ауылының Қазиев көшесі бойына жиналған 25-30 сантиметр болатын еріген қар суларын арнайы су сору техникасымен ауыл сыртына шығару жұмыстары Аудандық әкімшілік қызметкерлері күшімен сағат 20.45-ке дейін жүргізілді. Барлығы 78 куб метр су сорылған.