Атырау қаласында карантин енгізіледі, деп хабарлайды Tengrinews.kz тілшісі.
"2020 жылдың 30 наурызында сағат 00:00-ден бастап Атырау қаласының аумағында карантин режимі енгізіледі", - делінген хабарламада.
Осыған дейін Қарағанды карантинге жабылатынын жазғанбыз.
Елімізде коронавирус жұқтырғандардың саны 265 адамға жетті.
Нұр-Сұлтан қаласы бойынша қауіпті індетті жұқтырған 162 адам, Алматыда - 67, Шымкентте - 2, Қарағанды облысы - 7, Ақмола облысы – 6, Алматы облысы - 4, Ақтөбе облысы - 1, Атырау облысы - 6, Шығыс Қазақстан облысы - 2, Жамбыл облысы - 3, Қызылорда облысы – 2, Павлодар облысы – 1, Солтүстік-Қазақстан облысы – 1, Маңғыстау облысы – 1 науқас анықталды.
Коронавирустан 18 адам жазылды, 1 науқас қайтыс болды.
