+7 (777) 001 44 99
Қазақша
Русский
English
Атырау қаласында карантин режимі 8 маусымға дейін ұзартылды, - деп хабарлайды Tengrinews.kz тілшісі.
Атырау облысы бас мемлекеттік санитарлық дәрігерінің 10 мамырдағы қаулысына толықтырулар енгізілді.
"Атырау қаласы аумағында спорадиялық жағдайларды тіркеуді және соңғы жеті күнде Атырау облысының тұрғындары арасында COVID-19-дың өсу деңгейін ескере отырып, қаулы етемін:
- Атырау облысы аймағында шектеу шаралары және Атырау қаласы, Жылыой ауданы және Мақат аулындағы карантин режимін 2020 жылдың 8 маусымы сағат 07:00-ге дейін ұзартылсын. 2020 жылдың 25 мамыры сағат 07:00-ден бастап 8 маусым сағат 07:00-ге дейін Атырау қаласындағы карантин аймағын Атырау облысы жедел штабы белгілеген блокбекеттерден өту ережесін қамтитын аймақтан бөлек жерлерден өтуге тыйым салынады.
- Жергілікті тұрғындар тұрғылықты жерінен 2 метр әлеуметтік қашықтықты сақтай отырып, маска тағып шығуына ғана рұқсат берілсін".
Еске салайық, Қазақстанда коронавирус жұқтырғандардың саны 8 мыңнан асты. Оның ішінде Атырау облысында COVID-19 жұқтырған 901 адамның 224-і аурудан айығып шыққан.
Қазақстан жаңалықтары. Соңғы жаңалықтар. Telegram желісінде бізге жазыл!
