Атыраудағы балалар ауылында ер адам жасөспірімге қол көтерген

видео кадры

Атырау қаласындағы "Шаңырақ" отбасылық үлгідегі балалар ауылының жүргізушісі мекеменің тәрбиеленушісін бірнеше рет ұрды деген күдікке ілінді. Полиция тергеу іс-шараларын жүргізіп жатыр, - деп хабарлайды Tengrinews.kz тілшісі "Ақ Жайыққа" сілтеме жасап.

Атырау қаласындағы "Шаңырақ" отбасылық үлгідегі балалар ауылының жүргізушісі мекеменің тәрбиеленушісін бірнеше рет ұрды деген күдікке ілінді. Полиция тергеу іс-шараларын жүргізіп жатыр, - деп хабарлайды Tengrinews.kz тілшісі "Ақ Жайыққа" сілтеме жасап.

Әлеуметтік желілерде ер адамның жасөспірімді аяқ киіммен ұрып жатқаны түсіп қалған видеолар пайда болды. Оқиға өткен жылдың шілде айында болған, деп хабарлады Атырау облысы бойынша балалар құқықтары жөніндегі омбудсмен Айжан Сәрсенбаева.

Дүйсенбі күні ол жағдайды түсіну үшін оқиға орнына барды. Оның айтуынша, бұл видеодағы ер адам балалар ауылында жүргізуші болып жұмыс істейді.

"Ауылға барғаннан кейін мен полиция бөліміне қоңырау шалдым. Прокуратура мен білім басқармасының өкілдері де жағдайды зерттеу үшін келді. Қазіргі уақытта Атырау облысының уәкілетті органдары мен білім басқармасының қатысуымен комиссия құрылып, жұмысын жалғастырады", - деді Сәрсенбаева.

Кейінірек әлеуметтік желілерде тағы бір видео пайда болды. Видеода тәрбиеленуші ер адам оны әзілмен ұрғанын, ал өзі "фашист" сөзінің мағынасын түсінбестен ересек адамды "Гитлер" және "фашист" деп атағанын айтады.

Өңірдің полиция департаменті "Шаңырақ" балалар үйіндегі оқиға фактісі бойынша қылмыстық іс тіркелгенін, тергеу іс-қимылдарының кешені жүргізіліп жатқанын түсіндірді. Өзге ақпарат тергеу мүддесі үшін жария етілмейді.

Білім басқармасы отбасылық типтегі балалар ауылы мен жасөспірімдер үйінде тексеру жүргізді. Тексеру барысында мекеменің қызметтік автокөлігінің жүргізушісі 2024 жылдың 24 шілдесінде спортзалда жасөспірім тәрбиеленушіге қолын көтергені анықталды, бұл бейнежазбада жазылған.

Психологпен әңгімелесу кезінде жасөспірім жүргізуші екеуі бір-бірімен жиі әзілдесетінін айтты. Бұл оқиға болған кезде ол адамның қадір-қасиетіне нұқсан келтіретін сөздерді айтқан. Бала ересек адамға ренжімейді және өзін кінәлі санайды, делінген басылымның материалында.

Қазіргі уақытта білім басқармасының баспасөз қызметінде іс полиция департаментіне берілгенін растады.

Еске салайық, бұл Атыраудағы "Шаңырақ" балалар ауылына қатысты бірінші дау емес. Бұған дейін де әлеуметтік желілерде "Шаңырақ" балалар ауылында ұрып-соғу жағдайлары болатыны таралды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Атырау ұрып-соғу балалар үйі