+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Аққыстау-Атырау учаскесінде Астрахань-Атырау бағытындағы №626 жолаушылар пойызының қызметкерлері жолаушыны босандырып алды, - деп хабарлайды Tengrinews.kz тілшісі "Қазақстан темір жолы" ұлттық компаниясының баспасөз қызметіне сілтеме жасап.
Аққыстау-Атырау учаскесінде Астрахань-Атырау бағытындағы №626 жолаушылар пойызының қызметкерлері жолаушыны босандырып алды, - деп хабарлайды Tengrinews.kz тілшісі "Қазақстан темір жолы" ұлттық компаниясының баспасөз қызметіне сілтеме жасап.
"Кенжегүл Қайырболатова Ганюшкинодан Атырауға бесінші вагонмен келе жатқан. Ганюшкино станциясынан шыққаннан кейін таңғы сағат 5-те Кенжегүлдің толғағы басталды. Пойыз басшысы Сәуле Ілиясова бастаған пойыз бригадасының қызметкерлері қажет шаралар қабылдап, нұсқаулыққа сәйкес машинисті хабардар етіп, жедел медициналық жәрдем бригадасын жақын маңдағы станцияға шақырды", - деп хабарлады ҚТЖ баспасөз қызметі.
Жедел жәрдем қызметі келгенге дейін жолсеріктер - Мырзагүл Қаражігітова, Марияш Оразғалиева және Лаура Камалова сағат 05:30-да вагонда қыз босанған жас анаға қажет көмек көрсетті.
Сәуле Ілиясованың айтуынша, жолаушылар тасымалында жұмыс істеген 15 жыл ішінде ол осындай жағдайға алғаш рет тап болған.
"Компаниямызда стандартты емес жағдайларда әрекет етуге үйретеді және біз әрқашан жолаушыларымызға көмек көрсетуге дайынбыз", - деді Сәуле Ілиясова.
Атырау станциясына келгеннен кейін жаңа туған сәбиді анасымен бірге жедел жәрдем қызметкерлері қабылдап алған.
Кенжегүл Қайырболатова көмек көрсеткендердің бәріне алғыс айтты:
"Мен бірінші кезекте бала үшін алаңдадым. Пойыздың барлық қызметкеріне осындай төтенше жағдайда маған көмектескені үшін алғысымды білдіргім келеді. Қызым өскенде айтып беремін", - дейді ол.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
