Атырау-Доссор тасжолында ірі жол апаты болды, - деп хабарлайды ATPress. Оқиға бүгін сағат 11.00 шамасында болған.
Жол-көлік оқиғасының видеосы әлеуметтік желілерде таралып жатыр. Видеодан жол апаты салдарынан көліктердің өртенгенін көруге болады.
Облыстық полиция департаменті баспасөз қызметінің өкілі Назымгүл Қайсағалиеваның айтуынша, Toyota Sienna, "ГАЗель" және Daewoo көліктері соқтығысқан. Оқиға болған жерде бір адам қаза тапты, тағы екеуі ауруханаға жеткізілді. ҚР ҚК 345-бабы, 3-тармағы бойынша қылмыстық іс қозғалған.
