Қазақстанда таяу күндері аяз түседі, - деп хабарлайды Tengrinews.kz тілшісі "Қазгидромет" кәсіпорнына сілтеме жасап.
"Ауа температурасы қайтадан төмендеп, қардың жаууы мен жылдамдығы секундына 15-25 метрге жететін жел күтіледі", - деді синоптиктер. Олардың айтуынша, 26-28 қаңтарда оңтүстік облыстарына Оңтүстік-Каспий циклоны жылжиды. Мұнда жаңбыр жауып, жауын-шашын басталады, түнде жылымық қар, көктайғақ, тұман, екпіні секундына 25-28 метрге дейін жететін жел болады. 27 және 28 қаңтар күндері қар жауу сақталады және күн суытады.
