+7 (777) 001 44 99
Қазақша
Русский
English
Синоптиктер 2017 жылғы 22-24 маусымға арналған ауа райы болжамын жария етті, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.
Мамандардың болжамына қарағанда оңтүстікте температура 40 градустан жоғары көтеріледі.
"Батыс Сібір арқылы бірінен кейін бірі белсенді циклондар көшуде. Осылармен байланысты атмосфералық фронттар Қазақстан аумағы арқылы жылжып кей жерлерде өткінші жаңбыр, найзағай, бұршақ және дауылды желдің күші 15-25 м/с болады", - делінген хабарламада.
Ал республиканың батысы мен солтүстігінде фронттардың өтуімен ауа температурасы нормаға жақын және төмен болады деп күтіледі. Ал қалған аумақта ауа температурасы климаттық нормадан 4-7ºС жоғары болып сақталады. Қазақстанның оңтүстігінде, алдағы тәуліктерде өте ыстық болады, осында күндізгі ауа температурасы 33-39ºС, кей жерлерде 40-45ºС болады деп болжанады.
