+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Синоптиктер Қазақстанға көктемнің қашан келетінін айтты, - деп хабарлайды Tengrinews.kz тілшісі "Қазгидромет" республикалық мемлекеттік кәсіпорнына сілтеме жасап.
Синоптиктер Қазақстанға көктемнің қашан келетінін айтты, - деп хабарлайды Tengrinews.kz тілшісі "Қазгидромет" республикалық мемлекеттік кәсіпорнына сілтеме жасап.
"Наурыз айының басы өте суық болады. Солтүстік өңірлерде айдың үшінші онкүндігіне жылы бола бастайды. Бұл Қазақстанның барлық аумағы бойынша", - деп хабарлады "Қазгидромет" республикалық мемлекеттік кәсіпорнының жетекші инженері Айгүл Мыңжанова.
Оның айтуынша, наурыз - аумалы-төкпелі ай. "Республиканың барлық аумағында қарға ұласатын жаңбыр жауады, жылымық суық ауамен ауысып отырады, ал солтүстік, шығыс және солтүстік-шығыс өңірлерде ай басында аязды және қарлы ауа райы болып, жел тұрады, сонымен қатар республиканың барлық дерлік аумағындағы жолдарда тұман мен көктайғақ болады", - деді Мыңжанова.
Синоптиктердің алдын ала болжамына қарағанда, наурызда Ақтөбе, Қостанай, Қарағанды, Алматы, Жамбыл, Оңтүстік Қазақстан және Қызылорда облыстарында ауаның орташа температурасы нормадан 1 градусқа жоғары болады деп жоспарланған. Қалған аумақтарда ауаның орташа температурасы нормамен шамалас болады. Ал солтүстік, солтүстік-шығыс өңірлерде, Шығыс Қазақстан, Алматы және Жамбыл облыстарындағы тау етектерінде айлық жауын-шашын көлемі нормадан жоғары болады.
