05 маусым 2023 | 14:15

"Әуежайларға мың домбырашы апарайық". Депутат Алматыдағы оқиға туралы айтты

Дина Шарипханова Корреспондент

Фото ©️ Tengrinews.kz / Тұрар Қазанғапов

Айтыскер депутат Ринат Зайытов Астана мен Алматы әуежайларына әйгілі "Адай" күйін орындайтын мың домбырашы апаруды ұсынды. Жуырда оңтүстік астана әуежайында болған оқиғаға мәжілісмен осылай пікір білдірді, - деп хабарлайды Tengrinews.kz тілшісі.

Айтыскер депутат Ринат Зайытов Астана мен Алматы әуежайларына әйгілі "Адай" күйін орындайтын мың домбырашы апаруды ұсынды. Жуырда оңтүстік астана әуежайында болған оқиғаға мәжілісмен осылай пікір білдірді, - деп хабарлайды Tengrinews.kz тілшісі.

Үкімет сағатында депутат Индустрия және инфрақұрылымдық даму министрлігіне жүгінді.

"Домбыра ішінде бірде-бір металл жоқ. Онда қой ішегі мен ағаштан басқа ештеңе жоқ. Ұлттық аспаптың еш зияны жоқ", - деді мәжілісмен.

Сондай-ақ, Зайытов әуекомпанияларына сәлем жолдап, ақын, халық жазушысы Қадыр Мырзалиевтің "Нағыз қазақ қазақ емес, нағыз қазақ – домбыра" деген сөзін еске салды.

"Қазақтың 4-5 ұлттық аспабы бар. Ұшаққа кіргізуге рұқсат беріңіздерші. Ал бұдан кейін де рұқсат бермесе, Алматы мен Астананың әуежайларына кемінде мың домбырашы апарып, "Адай" күйін ойнап, жалынып сұрайық", - деді депутат.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Алматы әуежай