"Ауылдан соғым беріп жібереді". Назарбаев ЖОО-дағы жемқорлықты айтты

21 Тамыз, 12:45
0
"Ауылдан соғым беріп жібереді". Назарбаев ЖОО-дағы жемқорлықты айтты - Иллюстрация. © Тұрар Қазанғапов
Иллюстрация. © Тұрар Қазанғапов

Қазақстанның Тұңғыш Президенті Нұрсұлтан Назарбаев Жоғары оқу орындарындағы сыбайлас жемқорлыққа қарсы күрес үшін Қауіпсіздік Кеңесін тартады, деп хабарлайды Tengrinews.kz тілшісі.

"Біз көптеген жоғары оқу орындарында емтихандар ақшамен тапсырылатынын білеміз. Университетке түсу кезінде болды, бірақ әдеттегі сессияларда сынақтар мен белгілер сатып алады. (...) Студенттерді жатақханаларда орын бөлу, басқа да өмірлік мәселелерді шешу кезінде пара беруге мәжбүр етеді. Бұл жастардың наразылығын тудырады.

Қауіпсіздік Кеңесінің төрағасы ретінде Қауіпсіздік кеңесіне бірлескен топтармен ЖОО-да осы мәселені іріктеп зерделеуді және талқылауға шығаруды тапсырамын. Қорытынды бойынша шешім қабылдаймыз", - деді Назарбаев Nur Otan Саяси кеңесінің кеңейтілген отырысында.

Оның айтуынша, жастар сыбайлас жемқорлықпен белсенді түрде күресуі керек. Тұңғыш Президент Назарбаев Университетін басқа жоғары оқу орындарына үлгі етті.

"Біреу онда емтихан үшін ақша ұсынып көрсін (Назарбаев Университеті. - Ескерт.). Ондай ұғым жоқ. 10 мың қазақстандық батыстың үздік университеттерінде білім алды. Олар сынақтан өту үшін пара берді ме екен, айтып берсін. Мұндай атымен жоқ. Неге бізде бұл әлі күнге дейін келе жатыр, айтыңыздаршы.

Ұлы университетке түскенде, оның артынан ауылдан соғым беріп жіберетіндер есімізде. Әр ай сайын жіберіп тұрады. Ректорлармен жұмыс істеу керек. 10 жылдан бері отыратын ректорлар бар", - деп толықтырды еліміздің Тұңғыш Президенті.

Айта кетейік, елордада Нұрсұлтан Назарбаевтың төрағалығымен Nur Otan партиясы Саяси кеңесінің кеңейтілген отырысы өтіп жатыр. Шараға тұңғыш президент - партия төрағасы Нұрсұлтан Назарбаев, Мемлекет басшысы Қасым-Жомарт Тоқаев, премьер-министр Асқар Мамин, партия төрағасының бірінші орынбасары Бауыржан Байбек, Парламент депутаттары мен саяси бюро мүшелері қатысып жатыр.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай