+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Автокөліктерге кедендік әкелу баждарының мөлшерлемесі көтерілген жоқ. Бұл туралы Қаржы министрлігінің Мемлекеттік кірістер комитеті мәлімдеді, - деп хабарлайды Tengrinews.kz тілшісі.
Автокөліктерге кедендік әкелу баждарының мөлшерлемесі көтерілген жоқ. Бұл туралы Қаржы министрлігінің Мемлекеттік кірістер комитеті мәлімдеді, - деп хабарлайды Tengrinews.kz тілшісі.
Әлеуметтік желілерде Қазақстан Республикасының аумағына әкелінген автокөліктерді кедендік тазартудан өткізу үшін кедендік баж ставкасының ұлғайтылғаны туралы ақпарат таратылуда.
"ҚР Қаржы министрлігінің Мемлекеттік кірістер комитеті бұл ақпаратты ресми түрде жоққа шығарады. Кеден бажының ставкалары Еуразиялық экономикалық комиссиямен белгіленеді және бұл ставкалар Қазақстан Республикасы үшін міндетті болып табылады.
Сондай-ақ, қайта өңдеу төлемі мен кедендік баждың табиғаты әртүрлі және бірін-бірі алмастыра алмайтынын атап өткен жөн. Қазақстанда кедендік баж мөлшерлемелерін әзірлеу Сауда және интеграция министрлігіне, ал құтқару мөлшерлемелерін бекіту Индустрия және инфрақұрылымдық даму министрлігінің құзырында", - делінген хабарламада.
Жеңіл автокөліктерге арналған баждың ставкалары 2022 жылы өзгеріссіз қалды.
"Керісінше, Еуразиялық экономикалық одақ Кеңесінің шешімімен тиісті құжаттар ұсынылған жағдайда электромобильдерді баж мөлшерлемесінің 15 пайызынан босату түріндегі жеңілдік берілді. 2022 жылғы 5 сәуірдегі № 46 шешімімен дайын өнімді өндіруге арналған шикізат және материалдар (фармация, тамақ өнеркәсібі) сияқты "сезімтал" тауарлардың жекелеген санаттарына кедендік әкелу бажының 0 пайыз мөлшерлемесі енгізілді", - деп толықтырды ведомства.
Мемлекеттік кірістер комитетінің мәліметінше, тауарлардың кедендік құны Кеден кодексімен және Еуразиялық экономикалық комиссия алқасының шешімімен айқындалады.
"Автокөліктерді сатып алу кезінде азаматтарға аумақтық мемлекеттік кірістер департаменттеріне барып, кедендік тазартудан өткізуге кеңес беріледі.
Заңсыз іс-әрекеттер деректері және шағымдану үшін басқа да негіздер болған жағдайда, 14-14 қысқа нөміріне немесе 8-7172-71-81-71 нөміріне хабарлауға болады", - деді департаменттің баспасөз қызметі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
