04 сәуір 2020 | 10:11

Айдос Үкібай Елбасының денсаулығы туралы қауесеттерді жоққа шығарды

Елбасының баспасөз хатшысы Айдос Үкібай Нұрсұлтан Назарбаевтың денсаулығы туралы қауесетті жоққа шығарды, - деп хабарлайды Tengrinews.kz тілшісі.

Елбасының баспасөз хатшысы Айдос Үкібай Нұрсұлтан Назарбаевтың денсаулығы туралы қауесетті жоққа шығарды, - деп хабарлайды Tengrinews.kz тілшісі.

Баспасөз хатшысының айтуынша, Қауіпсіздік Кеңесінің Төрағасы Нұрсұлтан Назарбаев бірқатар аймақ басшысымен телефон арқылы сөйлесіп, төтенше жағдай кезінде халықтың қауіпсіздігін қамтамасыз етудің өзекті мәселелерін талқылады.

"Қатаң карантин жағдайында Елбасының жұмыс кабинетіне адам кіргізу шектелу керектігін түсіну қажет. Алайда шектеулерге қарамастан, баспасөз қызметі халықты Тұңғыш Президенттің қызметі туралы уақтылы хабардар етуге тырысады. Біз ешқашан қауесеттерге түсініктеме бермейміз. Алайда соңғы уақытта жекелеген тұлғалар елдегі жағдайды тұрақсыздандыру бойынша, соның ішінде Елбасының денсаулығына қатысты жалған деректерді тарату арқылы белсенді әрекет жасап жатыр. Мұның бәрі арандатушылық және өтірік.

Нұрсұлтан Назарбаевтың денсаулығы жақсы екеніне сендіргім келеді, ол карантин жағдайында да Отан игілігі үшін жұмысын жалғастыра береді. Ал кімде-кім күмәнданса, онда кеше Елбасы сөйлескен кез келген әкімнен бұл туралы сұрауға болады", - деп хабарлады Айдос Үкібай.

Ол сондай-ақ енгізілген барлық шектеулер алынғанда, Бірінші Президенттің қатысуымен өтетін жұмыс кездесуінен немесе кеңестен бейнежазба жасайтынын айтты.

Қазақстан жаңалықтары. Соңғы жаңалықтар. Telegram желісінде бізге жазыл!

Назарбаев Нұрсұлтан Денсаулық