+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматы қаласының бұрынғы әкімі Бақытжан Сағынтаев алматылықтарға үндеу жасады, - деп хабарлайды Tengrinews.kz тілшісі.
Алматы қаласының бұрынғы әкімі Бақытжан Сағынтаев алматылықтарға үндеу жасады, - деп хабарлайды Tengrinews.kz тілшісі.
Сағынтаев лауазымын жаңа әкімге тапсырағанын жазып, осыдан тура 720 күн бұрын Президент Алматы әкімдігін басқаруды өзіне сеніп тапсырғанын айтты. Ол Мемлекет басшысына ризашылығын жеткізді.
"Мен сіздермен үнемі бірге болдым. Қала өмірін жақсартуға бар күш-жігерімді арнадым. Ұзақ мерзімді "Алматы-2050" стратегиясын қабылдап, қаланы дамытудың келешегін айқындадық. Президенттің "Шетсіз қала" қағидаты негізінде қалаға қосылған аудандардың түйткілді мәселелерін шешуге баса назар аударып, "Жаңа Алматы" кешенді бағдарламасын қабылдадық. Біз әлеуметтік мәселелерді шешу үшін Алматыны агломерация ретінде дамыту және облыстың қаламен шектесетін 4 ауданында жұмыс орындарын құру жұмысын күн тәртібіне қойдық. Денсаулық сақтау жүйесі нығайтылды. Бір жылдың ішінде ең заманауи жабдықтармен жабдықталған 3 жұқпалы аурулар ауруханасын іске қостық. Пандемия кезінде денсаулық сақтау жүйесіндегі дағдарысқа жол берілмеді. Экологияны жақсарту үшін жүйелі екі шешім қабылданды: миллион ағаш отырғызу және екінші ЖЭО-ны газға ауыстыру", - деп жазды Сағынтаев Facebook-парақшасында.
Ол мектептерді жедел салу бағдарламасы қолға алынғанын, тек 2021 жылы 33 жаңа мектеп салынғанын айтты. Оның айтуынша, бұл – мектептердегі орын тапшылығын азайтуға бағытталған түбегейлі қадам болған. Сондай-ақ, ол қала тұрғындарына алғыс айтты.
"Менің әрбір жұмыс күнім сіздердің көз алдыларыңызда өтті. Өздеріңізбен әрдайым кездесіп, ақылдасып отырдық. Апта сайын Akimat Live тікелей эфиріне шықтым. Атқарылған шаралар туралы үнемі хабардар болдыңыздар. Бірге атқарылған жұмыс үшін алматылықтарға алғыс айтамын! Қаламызға және барша алматылықтарға бақытты ғұмыр тілеймін! Алматы мәңгі менің жүрегімде", - деп қорытындылады сөзін бұрынғы әкім.
Бұған дейін Бақытжан Сағынтаев Алматы әкімі қызметінен кеткені хабарланған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
