+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Бала құқықтары жөніндегі уәкіл Динара Зәкиева Екібастұздағы жеті жасар қыздың өлімінен кейін мәлімдеме жасады. Баланың өліміне күдікті ретінде анасы мен оның танысы ұсталған болатын, - деп хабарлайды Tengrinews.kz тілшісі.
Бала құқықтары жөніндегі уәкіл Динара Зәкиева Екібастұздағы жеті жасар қыздың өлімінен кейін мәлімдеме жасады. Баланың өліміне күдікті ретінде анасы мен оның танысы ұсталған болатын, - деп хабарлайды Tengrinews.kz тілшісі.
Зәкиеваның айтуынша, биылдың өзінде елімізде 25 бала қаза болған, оның алтауы жақын адамдарының қолынан.
"Бүгін қайтыс болған жеті жасар қыз табылды. Қылмысқа күдікті - баланың анасы, алдын ала мәліметтер бойынша, мойындаған. Осы отбасының басқа балалары балаларды қолдау орталығына орналастырылады", - деп жазды Закиева Instagram-да.
Оның айтуынша, мұндай қорқынышты салдар алдында көбінесе қиын жағдай, есепке алу, алкоголь, ұрып-соғуға байланысты бірқатар оқиға болады.
"Тергеу іс-шараларының 70 пайызында біреу міндетті түрде бірдеңе көргені және білгені, бірақ хабарламағаны, араласқысы келмегені, қорқатыны және т.б. анықталады. Мұндай қорқынышты салдардың, зорлық-зомбылықтың алдын алудың бір жолы - біз бен сіздің араласуымыз.
Егер балаларға қауіп төндіретін жағдайды көрсеңіз, естіген болсаңыз, 111 немесе 102 нөмірлеріне қоңырау шалыңыз. Әрине, ақпарат тексеріледі, бірақ егер қорқыныш расталса, онда біреудің өмірін сақтай аласыз", - деді Закиева.
Оның айтуынша, екіншіден, Президенттің тапсырмасы бойынша мемлекеттік органдармен және депутаттармен бірлесіп әзірленген балалар қауіпсіздігі туралы заң жобасында қарастырылған заңнамалық өзгерістер өте маңызды.
Сонымен қатар, балалар омбудсмені кадрлардың жетіспеушілігі туралы мәлімдеді.
"Заңдарды қабылдау арқылы олардың орындалуын қамтамасыз етуіміз керек. Қазір 6,8 миллион балаға барлығы 303 қамқоршы қызметкер, яғни бір қызметкерге 22 мың бала келеді. 5 мың балаға 1 қызметкер қажет", - деді Закиева.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
