+7 (777) 001 44 99
ПОДЕЛИТЬСЯ
Баланы өрттен құтқарған риддерлік металлург марапатталды, - деп хабарлайды Tengrinews.kz тілшісі.
Баланы өрттен құтқарған риддерлік металлург марапатталды, - деп хабарлайды Tengrinews.kz тілшісі.
Риддер металлургия кешенінде жұмыс істейтін Вадим Бедаев өз үйіне жақын пәтерде өрт болғанын бірінші байқаған. Тұрғын үйде балалар бар екенін біліп, ол жергілікті ПИК-ке жүгіріп, слесарьдің құралын алып, көршілерге көмекке жүгірген.
Вадим Бедаев жалынның тез тұтанғанына таңғалды.
"Мен оқиға басталмастан бірнеше минут бұрын үйге кіріп бара жатқанда, ашық тұрған терезе алдынан көршінің балаларын көрдім. Оларға жабыңдар деп ұрыстым. Жуынатын бөлмеге кіргенде, бірден сорғыштан түтін шығып жатқанын байқадым. Бізде көршілермен ортақ сорғы", - деді ол.
Вадим көршісімен бірге есікті бұзып, түтін басқан пәтердің ішіне кірген. Бес жасар баланы әрең өзіне қарай тарта алған.
"Ол дем алмады, оқиға орнына келген құтқарушылармен бірге біз оған көмектестік. Бақытымызға орай, Казцинкте 12 жыл бойы металлург болып жұмыс істегенде, бұл техниканы жақсы меңгердім, ол кәдімгі оқу бағдарламасына енгізілген. Қайта еске түсіруге тура келді", - деді ол.
Құтқарушылар өрт болған пәтерден екі жасар бала мен олардың анасын алып шыққан. Жағдай отқа ұқыпсыз қараудан болуы мүмкін екені белгілі болды.
Біраз уақыттан кейін Вадим Бедаев облыстың төтенше жағдайлар департаменті, Риддер әкімдігі мен Риддер металлургия кешенінің кәсіподақ ұйымы тарапынан үш алғыс хатпен марапатталды.
"Вадим - нағыз батыр секілді өте қарапайым адам", - дейді металлургтің әріптестері. "Біз бұл оқиғаны кездейсоқ білдік, оның өзі бұл істі тіпті айтқан жоқ!"
"Бұндай жағдайға ешкім бей-жай қарамайды, Құдайға шүкір, бәрі ойдағыдай болды!" - дейді Вадим Бедаев.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
