+7 (777) 001 44 99
Қазақша
Русский
English
Алматыда Жомарт Ертаев пен Bank RBK-дан 144 миллиард теңге жымқыру ісі бойынша басқа да айыпталушыларға қатысты үкім шықты, - деп хабарлайды Tengrinews.kz тілшісі.
Сот үкімімен экс-банкир Жомарт Ертаев 11 жылға сотталды.
Мұның алдында прокурор Жомарт Ертаевты 11 жылға бас бостандығынан айыруды сұраған болатын.
Мемлекеттік айыптау Ертаев кінәсін мойындағанын, қылмыстық істі тергеуге көмектескенін, залалды ішінара өтегенін, сондай-ақ кәмелетке толмаған балалары барын ескерген.
"Қой бақтым, барахолкада жұмыс істедім" - Ертаев сотта соңғы сөзін айтты
Айта кетейік, осы іс бойынша 37 адам сот алдына келді. Прокурор олардың 36-сын кінәлі деп тануды сұрады. Сотталушылардың бірі қайтыс болды.
Bank RBK-дан 144 миллиард теңге жымқыру ісіне қатысты сот өткен жылдың аяғында басталған болатын. Тергеу деректеріне сүйенсек, қылмыс 2011-2017 жылдар аралығында жасалған. Қылмыстық іс 46 эпизод және 700 томнан тұрады. Айыптау актісінде 3600-дан аса парақша бар.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
